2011-ம் ஆண்டு சட்டமன்ற தொகுதி சீரமைப்பில் புதிதாக உருவாக்கப்பட்ட தொகுதிகளில் செய்யூர் (தனி) தொகுதியும் ஒன்று. அச்சரப்பாக்கம் (தனி) தொகுதியை நீக்கி மதுராந்தகம், அச்சரப்பாக்கம் ஆகிய தொகுதிகளில்...

2011-ம் ஆண்டு சட்டமன்ற தொகுதி சீரமைப்பில் புதிதாக உருவாக்கப்பட்ட தொகுதிகளில் செய்யூர் (தனி) தொகுதியும் ஒன்று. அச்சரப்பாக்கம் (தனி) தொகுதியை நீக்கி மதுராந்தகம், அச்சரப்பாக்கம் ஆகிய தொகுதிகளில் இருந்து சில பகுதிகளை இணைத்து செய்யூர் தொகுதி உருவாக்கப்பட்டது. செய்யூர் தொகுதியில் லத்தூர் ஒன்றியம், சித்தாமூர் ஒன்றியம், இடைக்கழிநாடு பேரூராட்சி, திருக்கழுக்குன்றம் ஒன்றியத்தில் இருந்து 21 ஊராட்சிகள் ஆகியவை அடங்கும். இந்த தொகுதியில் மீன்பிடி தொழில் செய்பவர்கள், விவசாயிகள் அதிக அளவில் உள்ளனர். இந்த தொகுதியை பொறுத்தவரை தாழ்த்தப்பட்ட வகுப்பை சேர்ந்தவர்கள், வன்னியர்கள் அதிக அளவில் உள்ளனர். முதலியார், செட்டியார் உள்ளிட்ட பிற சமூகத்தை சேர்ந்த மக்களும் உள்ளனர். 2011-ம் ஆண்டு தேர்தல் நடந்த நேரத்தில் மொத்த வாக்காளர்கள் 1,73,864 பேர். தற்போது 2,11,135 வாக்காளர்கள் உள்ளனர். கடந்த 5 ஆண்டுகளில் 37,271 பேர் வாக்காளர்கள் அதிகரித்துள்ளனர். 2011-ம் ஆண்டில் முதல் சட்டமன்ற தேர்தலை சந்தித்த செய்யூர் தொகுதியில் அ.தி.மு.க. சார்பில் வி.எஸ்.ராஜியும், விடுதலை சிறுத்தைகள் கட்சியின் சார்பில் பார்வேந்தனும் போட்டியிட்டனர். இதில் அ.தி.மு.க. வேட்பாளர் வி.எஸ்.ராஜி வெற்றி பெற்றார். அந்த தேர்தலில் அவர்கள் பெற்ற வாக்கு விவரம் வருமாறு:- மொத்த வாக்காளர்கள்- 1,73,864. பதிவான வாக்குகள்- 1,40,871. வி.எஸ்.ராஜி(அ.தி.மு.க.)- 78,307. பார்வேந்தன் (விடுதலை சிறுத்தைகள் கட்சி) - 51,723.