கடந்த 2011-ம் ஆண்டு நடந்த சட்டமன்ற தேர்தலில் தமிழகத்தின் ஒட்டுமொத்த கவனத்தையும் ஈர்த்த தொகுதிகளில் முக்கியமானது ரிஷிவந்தியம் தொகுதி. இங்கு தே.மு.தி.க. தலைவர் விஜயகாந்த் போட்டியிட்டு 91,164 வாக்குகள்...

கடந்த 2011-ம் ஆண்டு நடந்த சட்டமன்ற தேர்தலில் தமிழகத்தின் ஒட்டுமொத்த கவனத்தையும் ஈர்த்த தொகுதிகளில் முக்கியமானது ரிஷிவந்தியம் தொகுதி. இங்கு தே.மு.தி.க. தலைவர் விஜயகாந்த் போட்டியிட்டு 91,164 வாக்குகள் பெற்று, 30,795 ஓட்டுகள் வித்தியாசத்தில் வெற்றி பெற்றார். அவரை எதிர்த்து தி.மு.க. கூட்டணி சார்பில் போட்டியிட்ட காங்கிரஸ் வேட்பாளர் சிவராஜ் 60,369 வாக்குகள் பெற்று தோல்வி அடைந்தார். கடந்த 2011-ம் ஆண்டு ரிஷிவந்தியம் தொகுதி தேர்தலை சந்திக்கும் முன் நடந்த தொகுதி மறுசீரமைப்பில் ரிஷிவந்தியம் தொகுதியுடன் சங்கராபுரம், திருக்கோவிலூர் தாலுகாக்களை சேர்ந்த சில கிராமங்கள் சேர்க்கப்பட்டன. ரிஷிவந்தியம் தொகுதியில் வன்னியர்கள் அதிகமாக உள்ளனர். அடுத்தபடியாக ஆதிதிராவிடர்கள் உள்ளனர். இதுதவிர பார்க்கவ உடையார்கள், துளுவவேளாளர், யாதவர்கள், நாயுடு, ரெட்டியார், முஸ்லிம்கள் ஆகியோரும் கணிசமாக உள்ளனர்.